Lýsigögn

Lýsigögn (metadata) innihalda staðlaðar upplýsingar sem eru lýsandi fyrir gögnin og sjá til þess að aðrir geti fundið þau og áttað sig á inntaki og samhengi þeirra. Þar eru að finna ýmsar mikilvægar upplýsingar m.a. um tilgang rannsóknar, hvernig gögnum var safnað, á hvaða tímabili gagnasöfnun fór fram. Einnig fela þau í sér upplýsingar um hvaða notendaleyfi og aðgangsskilyrði eiga við um gögnin og hvernig sækja má um aðgang að þeim ef um stýrðan aðgang er að ræða. Lýsigögn eru ávallt gefin út með Creative Commons CC0 1.0 Universal leyfi sem þýðir að allir hafa aðgang að lýsigögnunum og geta nýtt upplýsingar úr þeim á þann hátt sem hentar.  

Hvaða upplýsingar þurfa að koma fram í lýsigögnum hjá GAGNÍS?

Þegar gögn eru sett í opinn aðgang hjá GAGNÍS þurfa ákveðin lýsigögn að fylgja þeim (sjá í töflu). Lýsigögn GAGNÍS taka mið af alþjóðlegum lýsigagnastaðli Data Documentation Initiative (DDI), en sá staðall hentar vel fyrir margskonar vísindagögn m.a. í félags- og menntavísindum, og lýsigagnastaðli Samtaka evrópskra gagnaþjónusta í félagsvísindum (CESSDA Metadata Model).    

Unnt er að fá form til að forskrá nauðsynleg lýsigögn með því að senda fyrirspurn á netfangið gagnis@hi.is 

Yfirlit yfir nauðsynleg lýsigögn